Հայաստանում կան գերմաներեն լեզու սովորելու բազմաթիվ հնարավորություններ: Շատ բուհեր, ինչպես պետական այնպես էլ մասնավոր, առաջարկում են լեզվի դասընթացներ: Ձեր քաղաքում գերմաներեն սովորելու հնարավորություններին ծանոթացեք այստեղ:

Ահա թե ինչու է գերմաներեն սովորելն այդքան լավ գաղափար հայաստանցի ուսանողների և դպրոցականների համար:

 

Լեզվի ուսուցման կենտրոնն Երևանում առաջարկում է գերմաներեն լեզվի տարբեր մակարդակների դասընթացներ թիրախային տարբեր խմբերի համար:

Լեզվի ուսուցման կենտրոն

տեղեկատվություն և գրանցում

Նելլի Սողոմոնյան
Լեզվի Ուսուցման Կենտրոն Հայաստանում
Պարոնյան 8
0015 Երևան
Հեռ.՝ +374 060 54 22 10; +374 77 528307,
Ֆաքս՝ +374 60 504710
Էլ.փոստ՝ info@slz-eriwan.am
Կայք՝  www.slz-eriwan.am
Facebook: https://www.facebook.com/sprachlernzentrumeriwan/

Գերմանական գրադարան

Գերմանական ընթերցասրահն առաջարկում է գերմաներեն լեզվով գրեքրի, պարբերականների, CD-ների, ֆիլմերի մեծ տեսականի, որը Դուք կարող եք փոխ առնել:

Ընթերցասրահը բաց է երկուշաբթի՝ 14-18:00,  երեքշաբթի-ուրբաթ՝ 12-18:00, շաբաթ՝ 12-16:00:

Գյոթե Ինստիտուտ Վրաստանում

Գյոթե Ինստիտուտը Վրաստանում, որը պատասխանատու է  Հայաստանի, Ադրբեջանի և Վրաստանի համար,  առաջարկում է համապատասխան լեզվական կուրսեր ապագա ուսանողների համար (ինչպես սկսնակների, այնպես էլ փորձառուների): Այն կազմակերպում է նաև բոլոր մակարդակների լեզվի քննություններ:

Գյոթե ինստիտուտի երևանյան կենտրոնում փորձագետ Յուլիա Կրամերը  հանդիսանում է կոնտակտային անձ այն ուսուցիչների և դասախոսների համար, ովքեր դասավանդում են գերմաներեն լեզու: Նա պատասխանատու է նաև գերմաներեն դասավանդող ուսուցիչների վերապատրաստման համար: Դուք կարող եք կապ հաստատել տիկին Կրամերի հետ այցելելով իր գրասենյակը լեզվի ուսուցման երևանյան կենտրոնում:

Յուլիա Կրամեր
Պարոնյան 8
0015 Երևան
Հեռ.՝ +374 (0)60 50 47 10
Էլ.փոստ.՝ Julia.Kramer@tbilissi.goethe.org

Ընդունելության ժամերը. Երկ-Ուրբ.՝ 10-12:00 և 14-16:00, ըստ պայմանավորվածության:

Թեստեր. OnDaF, TestDaF և TestAS

Համաշխարհային ճանաչում ունեցող թեստերը, ինչպիսիք են OnDaF-ը, TestDaF-ը և TestAS-ը պարբերաբար անց են կացվում Հայաստանում՝ լեզվի ուսուցման երևանյան կենտրոնում: Գերմաներեն լեզու սովորողները կարող են շատ արագ, պարզ և ճշգրիտ ստուգել լեզվի իմացության իրենց մակարդակը OnDaF թեստի միջոցով:

OnDaF թեստը կազմակերպվում է լեզվի ուսուցման կենտրոնի կողմից: Կայանալիք թեստերի ժամկետները ներկայացված են www.ondaf.de կայքում:

TestDaF-ը լեզվի քննություն է նախատեսված գերմաներեն սովորող այն ուսանողների համար, ովքեր պլանավորում են շարունակել կրթությունը Գերմանիայում և ում անհրաժեշտ է լեզվի իմացության մասին վկայող պաշտոնական փաստաթուղթ: Կայանալիք թեստերի ժամկետները ներկայացված են  www.testdaf.de կայքում:

TestAS-ը, կամ Ակադեմիական Կրթության Թեստը հանդիսանում է կենտրոնացված, ստանդարտիզացված թեստ օտարերկրացի ուսանողների համար: TestAS-ը ներկայացնում է ապագա ուսանողներին իրենց անհատական վարկանիշները համեմատած այլ դիմորդների հետ: Բավարար արդյունքներ գրանցելու պարագայում նրանք կարող են ընդլայնել գերմանական բուհեր ընդունվելու իրենց հնարավորությունները:
Կայանալիք թեստերի ժամկետները ներկայացված են www.testas.de կայքում: